<$BlogRSDUrl$>
Este blog mudou de servidor, agora está en astuasbalas.com

1.5.04

acusacións
Levo días con moito traballo, acabado satisfactoriamente. Por iso blogueei só pra retrucar. Contra, faro do noso ocaso indie, acúsame de promiscuo e de folkie. Certamente peor ca gúguel, ao chamarme libro de autoaxuda.
A promiscuidade é algo asegún. Non é a primeira vez que algún amigo (máis amigas) hetero mo di. Pero eles (máis elas) son monógamos, polo que calquera ferrete a trasmán é promiscuidade. Con todo, coñezo outros moitos amigos (gais e heteros), que me esmagan ao compartir scores.
Ao cavilar sobre as miñas amplas e extensas épocas de monogamia, creo que o importante do amor non é o volume, senón o peso.
Polo de folkie, recoñezo un pasado escuro de concertos de milladoiro, como o metal de jean-sol. Aborreceume co tempo: creo que o folc está tan morto coma o rock, polo menos. Algúns amigos inda andan nesas, pero evoluíron cara a un perfil integrista tradicional: cantareiras, cursos de baile galego, seráns... Non me queda ninguén flipado con luarnalubre, berrogüetto e susana seivane. Ben, pola seivane si, pero outros son os motivos.

This page is powered by Blogger. Isn't yours?